Transcription
1
Monseigneur, jay presentement receu mon despartement de la court
2
pour faire monstre des compagnies de monseigneur le prince daulphin
3
à La Tour du Pin et de monsieur de Bellegarde en cette
4
ville de Vienne, laquelle toutesfoys, par la publication des
5
monstres, estoyt ordonnée pour faire monstre et tenir garnison en
6
Piedmont. Mays, à l’instante prière dudit sieur de Bellegarde,
7
le roy luy a accordé de demeurer en Daulphiné et faire
8
monstre audit Vienne, ce que je vous ay bien vollu faire entendre.
9
Monsieur de Montleue est ordonné commissaire pour votre compagnie
10
et pour celle de monsieur de Maugiron. Je ne scay le nom
11
du contrerolleur. Presentement, messieurs du pays m’ont
12
envoyé les mandements et acquits que leur doits la compagnie
13
du sieur Julles Centuryon pour les retirer, faisans la monstre
14
dicelle, à quoy je ne ferey faulte. Si ce pendant il vous
15
plaict de me commander quelque chose pour le respect des
16
susdictes compagnies, j’attendrey ici vous commandements.
17
Surce, je prie Dieu quil vous doinct,
18
Monseigneur, en parfaicte sancté, très longue et très heureuse vie.
19
De Vienne, ce XVIe jour daoust 1572
20
Votre bien humble et obeyssant serviteur
21
Gibert